Masaya at puno nang pasasalamat ang Kapuso beauty queen-actress na si Roxie Smith sa kaniyang pagsabak sa Miss Universe Philippines pageant bilang pambato ng Baguio City.
Sa social media, nag-post si Roxie ng mga larawan mula sa coronation event, at inihayag sa caption ang kaniyang naramdaman sa pagsali sa kompetisyon:“I walked through every moment with a smile choosing to feel it all, to love it all, to live it fully.”
Patuloy pa ng Kapuso beauty queen-actress: “To anyone reading this, may you never forget that the child within us all deserves to see how far we can go and how much farther we still will."
Nagpasalamat din siya sa mga sumuporta at nagtiwala sa kaniya.
"Thank you for the love. Thank you for believing. Hanggang dulo, para sa #Bag-U," dagdag niya.
Umabot si Roxie sa Top 15 ng kompetisyon, at ang pambato ng La Union na si Bea Windorski ang nagwagi at kakatawan sa Pilipinas sa international competition na gagawin sa Puerto Rico. – FRJ GMA News
