Inakusahan ng isang nagbitiw na hurado ng Miss Universe na “rigged” o “luto” umano ang resulta ng katatapos lang na patimpalak.

Sa social media nitong Biyernes, sinabi ng Lebanese-French musician na si Omar Harfouch, hurado sa Miss Universe na nagbitiw dalawang araw bago ang coronation event, na “pekeng Miss Universe” ang nanalong si Fatima Bosch ng Mexico.

"I Omar Harfouch declared yesterday exclusively on the Americain HBO, 24 hours before the Miss Universe final, that Miss Mexico would win—because Miss Universe owner Raúl Rocha is in business with Fatima Bosch’s father," ayon kay Harfouch.

 

 

Sa kaniyang social media post, ikinuwento ni Harfouch na isang linggo ang nakalipas sa Dubai, pinakiusapan umano nina Rocha at anak nito na iboto si Bosch dahil makabubuti umano ang panalo ng kandidato ng Mexico sa kanilang negosyo.

Nangako si Harfouch na maglalabas pa siya ng karagdagang detalye sa Mayo 2026.

Isa si Harfouch sa dalawang hurado ng Miss Universe na nagbitiw dalawang araw bago ang coronation event.

Sa Instagram, inanunsyo niya ang kaniyang pagbibitiw, at sinabing “isang secret vote” ang isinagawa para pumili ng 30 kalahok mula sa 136.”

Dagdag ni Harfouch, “This vote was carried out by individuals who are not official members of the jury, myself included. To this day, no one knows who the selected 30 are, except one individual who holds the results. This same person is affiliated with a national organization of a participating country — which is a clear conflict of interest.”

Ayon pa kay Harfouch, “I could not stand before the public and television cameras, pretending to legitimize a vote I never took part in. Some of the countries eliminated through this process could be at war, discriminated against, or geopolitically sensitive.”

Maaari umanong isipin ng mga manonood na ang jury ang gumawa ng mga desisyon “and I cannot bear responsibility for a process I did not participate in. Pretending otherwise would be dishonest.”

Pagkaraan ng kaniyang pagbibitiw, naglabas ng pahayag ang Miss Universe Organization (MUO), at sinabing, “His comments incorrectly suggested that an unauthorized or impromptu jury had been formed and that the official judges had been excluded from the selection of finalists."

“The Miss Universe Organization firmly clarifies that no impromptu jury has been created, that no external group has been authorized to evaluate delegates or select finalists, and that all competition evaluations continue to follow the established, transparent, and supervised MUO protocols,” saad nito.

 

 

Kinilala ng MUO ang kaniyang pagbibitiw at sinabi ring hindi pinapayagan si Harfouch na gamitin, ipakita, o iugnay ang kaniyang sarili sa mga trademark ng pageant.

Nilinaw rin ng MUO na ang Beyond the Crown initiative, “operates entirely separately from the Miss Universe competition and from the official judging panel."

Bukod kay Harfouch, nagbitiw rin ang French football manager na si Claude Makélélé dahil sa “unforeseen personal reasons,” ayon sa kaniyang Instagram.

“This was a difficult decision, as I hold Miss Universe in the highest regard. The platform represents empowerment, diversity, and excellence — values I have always championed throughout my career,” saad niya, kasabay ng paghingi ng paumanhin sa pageant, mga contestant, at sa lahat.

“I hope to be able to contribute in the future under better circumstances,” dagdag niya.

Nabalot ng kontrobersiya ang Miss Universe 2025, na si Bosch ang nasa gitna ng lahat.

Sa simula ng kompetisyon, nag-post ang Miss Universe Thailand (MUT) ng video na makikitang tumatawag ng security ang MUT National Director na si Nawat Itsaragrisil matapos ang pakikipagtalo sa isang tao na hindi kita sa camera.

Naglabas naman ng pahayag ang opisyal na social media accounts ng Miss Universe Mexico na nagsabing “unacceptable” ang nangyari kay Bosch.

Humingi ng paumanhin si Nawat, at pinigilan na siya ng MUO na makibahagi sa event.

Nakuha ni Bosch ang inaasam-asam na korona ng mahigit 100 kandidata, habang 3rd runner-up ang pambato ng Pilipinas na si Ahtisa Manalo. —Nika Roque/FRJ GMA Integrated News