Kabilang si Catriona Gray sa celebrities na dumalo sa anti-corruption protest sa People Power Monument sa EDSA nitong Linggo, at hinimok niya ang mga Pinoy na ‘walang magmo-move on hangga't walang nananagot,” kaugnay ng kontrobersiya sa umano’y maanomalyang flood control projects.
"And to those who think the Filipino spirit is weak, nagkakamali kayo. Sinasabi nila na Filipinos have a short memory, it's easy for us to forget and forgive," ayon kay Catriona nang magbigay ng talumpati sa stage.
"But believe us when we say we will not forget what you did. At walang magmo-move on hangga't walang nananagot. We are the generation who will not let corruption win," patuloy niya.
Kabilang din si Catriona sa mga celebrity na dumalo sa protestang ginawa noong Setyembre na Trillion Peso March.
Sa pagtitipon nitong Linggo, nagbigay ng panalangin si Catrina para sa bansa.
"Panginoon, we lift up our beloved country of the Philippines to you. Reveal every hidden corruption. Ilabas ninyo ang katotohanang tinatago," saad ng beauty queen. "Let the full weight of justice fall on those who betrayed this nation and stole from its people, not for revenge, but for righteousness. Raise up leaders, Lord, with integrity, courage, and conviction."
"Bigyan n'yo po kami ng mga pinunong may puso at tunay na malasakit. Strengthen every Filipino who longs for justice. Restore truth, accountability, and justice. In Jesus' mighty name, we pray. Amen," pagtatapos niya.
Maliban kay Catriona, kabilang sa celebrities na dumalo sa protesta sina Elijah Canlas, Pokwang, Ben & Ben, at marami pang iba. —Jade Veronique Yap/FRJ GMA Integrated News
