Kris Aquino, ‘grateful’ na umabot sa edad 55: ‘I am now praying to reach 60’

Ipagdiriwang ni Kris Aquino ang kaniyang ika-55 kaarawan na may pag-asa at pagiging positibo sa Araw ng mga Puso.

Sa kaniyang bagong Instagram post, nagbahagi si Kris ng larawan na napaliligiran ng birthday balloons.

Sinimulan niya ang kaniyang mensahe sa lyrics ng kantang “Rainbow” ng South Border: “Even if there is pain now/ Everything would be alright/ For as long as the world still turns/ There will be night and day.”

Ikinuwento rin ni Kris ang pinagdadaanan niya habang nagpapagaling, na sinabing bagama't hindi pa siya pinapayagang maglakad sa labas hangga’t hindi pa tinatanggal ang kaniyang mga tahi ng ilang linggo, nakagagalaw na siya ngayon nang walang tulong at bihira na siyang gumamit ng wheelchair.

“I hope you all realize that [RB Chanco] is a magician, my skin in my face is in good shape for someone turning 55 on Saturday, February 14, but I’m not allowed to have any sun exposure nor put any cream on my face or massage my neck area; I’ll share with you in 5 weeks why everyone is so protective and doing their best to not let me take an accidental fall because that would be seriously life threatening for me,” sabi niya.

Pinagnilayan din ni Kris ang kaniyang tungkulin bilang isang ina, at binigyang-diin na bagama't tutulong siya sa styling ng kaniyang anak na si Bimby, nasa mga pinagkakatiwalaang mentor na nito ang mga desisyon para sa career ng anak.

May pag-asang inihayag ni Kris na mag-co-produce ng sarili niyang on-camera podcast at kalaunan ay magsimulang makalikha ng "immunity cells" kapag tuluyan siyang gumaling.

“Yet I’m so grateful to reach 55. I am now praying to reach 60 so I’ll have both a PWD (Person With Disability) and Senior Citizen’s Card. So many online establishments don’t accept the PWD as a valid government issued ID. I never learned how to drive. I only have my passport,” sabi niya.

Nauna nang inihayag ang pakikipaglaban niya sa siyam na autoimmune condition. Noong 2022, lumipad si Kris sa Amerika para magpagamot, at 2024 nang bumalik siya sa bansa.