Pumanaw na si dating Olongapo City Mayor James "Bong" Gordon Jr., na kinumpirma ng kaniyang kapatid na si Senador Richard Gordon.
"He was a long-serving mayor of Olongapo, a stalwart volunteer during the Pinatubo eruption," pahayag ni Gordon sa kaniyang mga kapwa senador sa sesyon ng Senado nitong Martes.
Hindi binanggit ni Richard ang dahilan ng pagpanaw ng kaniyang kapatid.
Naging alkalde ng Olongapo si Bong Gordon mula 2004 hanggang 2013.
Naging kinatawan din ng unang distrito ng Zambales sa Kamara de Representantes si Bong noong 10th hanggang 12th Congresses, mula 1995 hanggang 2004.
Nagpaabot naman ng pakikiramay sina Senate President Vicente Sotto III at Majority Leader Juan Miguel Zubiri, kay Sen. Gordon at sa naulilang pamilya ng kapatid.
"We would like to just give our deepest and sincerest condolences to the family of Senator Richard Gordon for the passing of his dear brother who was a very, very good friend of ours, many of us. He was a classmate of ours in Congress," ani Zubiri.--FRJ, GMA News
