Nagbitiw na sa kaniyang puwesto si Press Secretary Trixie Cruz-Angeles, ayon sa isang opisyal sa Palasyo.
Nitong Martes, sinabi ni Senior Deputy Executive Secretary Hubert Guevarra, na wala pang desisyon kung sino ang papalit kay Cruz-Angeles.
Ayon sa ulat ng Super Radyo dzBB, usapin tungkol sa kalusugan ang dahilan ng pagbibitiw ni Cruz-Angeles.
JUST IN: Press Secretary Trixie Cruz-Angeles (@SecCruzAngeles), nagbitiw na sa pwesto dahil sa medical reasons — Malacañang | via @mamutuesday pic.twitter.com/vdcjkhGG2C
— DZBB Super Radyo (@dzbb) October 4, 2022
Wala pang opisyal na pahayag na inilalabas si Cruz-Angeles tungkol sa kaniyang pagbibitiw. —FRJ, GMA News
