Hinikayat nina Senator Alan Peter Cayetano at walo pang mga senador nitong Martes ang Korte Suprema na ideklarang “null and void” ang sesyon noong Hunyo 3, kung saan inihalal si Senator Sherwin Gatchalian bilang Senate President Pro-Tempore.
Sa 86 na pahinang petition for certiorari, hiniling din nina Cayetano, at mga senador na sina Loren Legarda, Pia Cayetano, Jinggoy Estrada, Bong Go, Rodante Marcoleta, Imee Marcos, Robin Padilla, at Camille Villar ang Korte Suprema na mag-isyu ng status quo ante order "reverting the Parties and the conditions prior to the questioned proceedings starting June 3, 2026."
Kasama rin sa mga petitioner si Atty. Jose Luis Montales, ang Senate secretary sa ilalim ni Cayetano.
JUST IN: Ilang senador na kasama sa Cayetano bloc, naghain ng petisyon sa Supreme Court kaugnay sa sigalot sa liderato ng Senado.
— GMA News (@gmanews) June 16, 2026
Hindi kasama sa listahan ng petitioners sa Supreme Court sina Sen. Joel Villanueva at Sen. Mark Villar na kabilang sa bumoto kay Sen. Alan Peter… pic.twitter.com/LHHXOKYjpR
—KG GMA News
