Robin Padilla, nakita na ang apo na si Baby Alas; Kylie, emosyonal

Naging emosyonal si Kylie Padilla nang magkita na ang kaniyang anak na si Baby Alas at ang kaniyang ama na si Robin Padilla.

Nangyari ang unang pagkikita ng mag-lolo nang dumalo si Kylie, kasama si baby Alas sa first birthday ng anak nina Robin at Mariel Rodriguez na si baby Isabella.

Mula nang isilang ni Kylie si Alas, na anak nila ni Aljur Abrenica, ngayon lang ito nakita ni Robin, kaya hindi napigilan ng aktres na maiyak.

Makikita naman sa Instagram account ni Robin ang video sa pagkikita nila ng apo na si Alas.

Nagpasalamat ang aktor sa lahat ng tumulong para makita ang kaniyang apo.

 

Purihin ang nag iisang Panginoong Maylikha !!! Walang pinakamasaya sa isang lolo kundi ang mayakap at mabuhat ang isa sa unang apo Allah hu Akbar napakasarap iparinig sa kanyang tenga ang Adhan/ call to prayer bilang unang pamana sa kanyang napakamusmos at matalas na pandinig. Maraming salamat sa iyo mahal kong anak na @kylienicolepadilla sa pagdala kay ALAS sa akin Alhamdulillah ganon din sa iyo @marieltpadilla wala ng hihigit pang kaligayahan sa araw na ito. Pagpupugay sa lahat ng mga kumilos para maging matagumpay ang pagkikita na ito @vidanes_cm @kayegarcia13 .... we miss you @queeniepadillarevert

A post shared by robin padilla (@robinhoodpadilla) on

Nov 18, 2017 at 12:43pm PST

-- FRJ, GMA News