Kabilang sa mga Kapuso program na nominado sa 2018 New York Festivals World's Best TV & Films ang dokumentaryo tungkol sa Martial Law na "Alaala" na pinagbidahan ni Alden Richards. Ang indie movie ni AiAi delas Alas na "Area," pasok din.
Sa listahan ng mga nominado na makikita sa website ng New York Festivals International Television & Film Awards, na 12 sa 17 nasa listahan ng mga nominado ay mula sa GMA Network.
Nasa Docudrama category ang "Alaala: A Martial Law Special," na pinagbidahan ni Alden, kasama sina Gina Alajar, Rocco Nacino, at Bianca Umali.
Ang naturang dokyu ay sa direksyon ito ni Adolf Alix.
Ikinatuwa at nagpasalamat si Alden sa pagiging nominado ng naturang dokumentaryo.
"Masaya kasi at least na-recognize 'yung hardwork namin, specially si direk Adolf. Masaya ako na at least naging finalist. And siguro kung manalo bonus na 'yon, puntahan natin 'yung award," sabi ni Alden.
Nasa Direction category naman ang "Area," na kauna-unahang indie movie ni AiAi na idinirek ni Louie Ignacio.
Ang naturang pelikula ay tumalakay sa buhay ng isang may edad na prostitute.
Nominado naman na Best News Anchor si Jessica Soho, at panlaban sa Best Newscast ang "State of the Nation with Jessica Soho": Marawi Liberation: War is Over."
Ang iba pang Kapuso programa na nominado ay:
-International Affairs: I-Witness: Silang Kinalimutan (The Forgotten)
-Human Concerns: Reel Time: Gutom (Starved)
-Human Concerns: I-Witness: Sundalong Aso (Soldiers with Paws)
-Health/Medical Information: Reel Time: Hawla (The Untold Story of the Village Monster)
-Current Affairs: Brigada (The Brigade): Combat Camera Team
-Community Portraits: Reporter’s Notebook: Yapak Sa Pusod Ng Dagat (Footsteps on the Seabed)
-Best Public Affairs Program: Front Row: Batang Bomba (Bomb Pickers)
-Art Direction: Promotion/Open & IDs: Colorful Summer
-Graphic Design: Promotion/Open & IDs: EDSA 31st Anniversary Spot
Iaanunsyo ang mga magwawagi o ang gala night sa April. -- Jamil Santos/FRJ, GMA News
