Ipatatawag ng Movie and Television Review and Classification Board (MTRCB) ang Philippine Drug Enforcement Agency (PDEA), kampo ng rapper na si Shanti Dope, at iba pang may kaugnay sa awiting "Amatz," na nais na ipa-ban ng PDEA.

Nitong Huwebes, inihayag ng PDEA na kasama ang MTRCB sa sinulatan nila para hilingin na ipatigil ang pagpapatugtog at pag-promote sa awiting "Amatz" ni Shanti Dope dahil naghihikayat umanong gumamit ng marijuana.

READ: Kantang ‘Amatz’ ni Shanti Dope, gustong ipa-ban ng PDEA

Kasunod nito ay naglabas naman ng pahayag  ang kampo ng Pinoy rapper para itanggi ang alegasyon ng PDEA at iginiit na mali ang interpretasyon nito sa awitin.

Hiniling  nila sa PDEA na pakinggan nang buo ang mensahe ng awitin sa halip na piliian lang ang bahagi nito.

READ: Management ni Shanti Dope, pumalag sa hiling ng PDEA na i-ban ang kantang 'Amatz'

Sa pahayag ng MRTCB nitong Biyernes, sinabi ng ahensiya na kinikilala nila ang polisya ng estado na protektahan ang mga bata laban sa masamang impluwensiya.

"MRTCB recognizes the policy of State that every child has the right to protection against improper influences and circumstance prejudicial to his emotional, social and moral development, but the enforcement of this right has to be balanced with the constitutionally protected freedom of speech or expression," ayon sa MTRCB.

Patuloy nila, "For this reason, and to afford due process, MTRCB will call the affected parties to a conference to hear their respective positions on the issue at hand."

Tinawag naman ng Concerned Artists of the Philippines na kalokohan ang hiling ng PDEA na i-ban ang awitin ni Shanti Dope.

Sa isang pahayag, sinabi ng grupo na "open to interpretation" ang mensahe ng awitin.

"Its lyrics actually open the conversation on drug use: 'Amat, dapat ka nga ba dinadama?/Dapat ka nga ba minamata?' Within the span of the song, it raises a debate of synthetic drugs vs natural drugs, or should one even do drugs at all," ayon sa grupo.

"We, the Concerned Artists of the Philippines, find it ridiculous that the Philippine Drug Enforcement Agency (PDEA) has the gall—and the time and resources—to ask the Movie and Television Review and Classification Board (MTRCB), the OPM - Organisasyon ng mga Pilipinong Mang-Aawit (OPM), and ABS-CBN Corporation to halt the distribution of the song 'Amatz' by our fellow musician Shanti Dope," dagdag pa ng grupo.--FRJ, GMA News