Isang taon makaraang pumanaw ang kaniyang kabiyak na si Jhoromy Rovero dahil sa karamdaman, pinasalamatan ni Andrew Schimmer ang kaniyang bagong kasintahan na unti-unti umanong bumuo sa kaniya.
Sa kaniyang Facebook account, nag-post si Andrew ng larawan kasama ang babae na hinahalikan niya sa pisngi.
Walang inilagay na pangalan si Andrew pero nakilala ang babae na si Dimps Greenvila, na nakasaad sa relationship status sa Facebook na “In a relationship with John Andrew Schimmer.”
Saad ng aktor sa post, "I never thought this day would come...You restored me... Slowly put me back together."
Patuloy niya, "You took away all the pain...and gave me something, That made me love the world again. I was in total chaos and darkness before you found me... You brought back the strength in my heart, And lightened up my darkness from within."
BASAHIN: Asawa ni Andrew Schimmer na si Jhoromy Rovero, pumanaw na
Pumanaw ang asawa ni Andrew na si Jho noong Disyembre 2022, na isang taon din nakipaglaban sa sakit na hypoxemia.
Kasama ni Andrew na naglukha sa pagkawala ng kaniyang kabiyak ang dalawa nilang anak na sina Andrea Mari at Neymar.
Sa naturang post, sinabi ni Andrew na batid niya na "for some people" maaaring isipin na "this is too [rushed]."
"But if you will allow me... I want to spend the rest of my life with you," sabi pa ni Andrew.
Dagdag pa ni Andrew, "Loving you and taking care of you and our children is now my next mission in life."
Sa hiwalay na post, ipinakita ni Andrew ang pagbisita niya sa puntod ng kaniyang kabiyak noong Huwebes.
“It's been a year already... We all miss you,” saad niya sa caption. “You will always be our ANGEL.”
“Keep watching us up there, I know you can see everything now...and I know, You are HAPPY,” ani Andrew.
Ibinahagi rin ni Dimps ang naturang post ni Andrew at inilagay niya na, “your love and the memories you made continue to live on....”
“‘Thank you’ Jo,” dagdag pa niya na may red heart emoji.— FRJ, GMA Integrated New
