Nagluluksa ngayon ang magkapatid na Anne Curtis at Jasmine Curtis-Smith sa pagpanaw ng kanilang amang si James Curtis-Smith.

“It is with profound sadness that we announce the unexpected yet peaceful passing of our father, James E. Curtis-Smith,” pagbabahagi nina Anne at Jasmine, kasama ang kapatid nilang si Charley Smith sa isang joint Instagram post.

“A true patriarch in every sense, he shaped us with strength, resilience, and a wit that will forever echo in our family. He was deeply loved, endlessly admired, and will live on in our hearts always. We will miss him dearly,” pagpapatuloy ng pamilya.

Hindi naman idinetalye ang sanhi ng pagkamatay ng kanilang ama.

Noong 2023, ipinagdiwang ni James ang kaniyang ika-80 kaarawan kasama ang pamilya sa La Union.

Kasama ni Anne ang kaniyang asawang si Erwan Heussaff at ang kanilang anak na si Dahlia.

Naroon din sina Jasmine Curtis-Smith at mga kapatid sa ama ni Anne kasama ang mga anak ng mga ito.
 

 

--Jamil Santos/FRJ GMA Integrated News