Lauren Young, engaged na sa nobyong si Toby Panlilio

Engaged na si Lauren Young sa kaniyang longtime boyfriend na si Toby Panlilio.

Ibinahagi ito ng magkasintahan sa joint post sa Instagram na makikita na ginawa ni Toby ang alok na engagement habang nasa Sapporo, Japan sila ni Lauren.

“Yes, yes, and yes!” saad ni Lauren. “I’m gonna marry my best friend! I love you so much!"

Bumuhos naman ang pagbati sa dalawa sa comment section, kabilang ang kapatid ni Lauren na si Megan Young at bayaw na si Mikael Daez, Herlene Budol, Valeen Montenegro, Andi Eigenmann, at iba pa.

“I love you both so much!” komento ni Megan.

Pitong taon na ang relasyon nina Lauren at Toby. —Hermes Joy Tunac/FRJ GMA Integrated News