Makakasama ni Alden Richards sina Andrea Torres at Shuvee Etrata sa upcoming Kapuso medical drama series na “Code Gray!”
Sa social media, inihayag ng Sparkle ang cast members ng serye na kinabibilangan din nina Faith Da Silva, Kristoffer Martin, Jon Lucas, veteran actor Christopher De Leon, at iba pa.
Dati nang sinabi ni Alden na ito ang unang pagkakataon na gaganap siya bilang isang duktor.
"I've never done anything like that before sa career ko and it's gonna be the first again and I'm very excited kasi it's a very mature role. It's very serious, excited lang ako dun sa challenges that's up ahead," ayon kay Alden sa ulat ng GMA News "24 Oras."
Bukod sa “Code Gray,” bibida rin si Alden sa isang collab project na “Love, Siargao” kasama si Nadine Lustre.
Nakatakdang mapanood ang "Code Gray" sa GMA Prime.— Jade Veronique Yap/FRJ GMA News
