Pinuri at pinasalamatan ni Epy Quizon ang TNVS driver na naghintay sa kaniya upang maisauli ang cellphone na kaniyang naiwan sa sasakyan.
Sa Instagram post nitong Biyernes, ibinahagi ng aktor ang kuwento sa insidente, kasama ang larawan nilang dalawa ng driver na si Jhun Diaz.
"I accidentally left my phone in his car. I had no way to contact him, and he had no way to contact me. Instead of simply leaving, he stayed near the area where he had dropped me off, hoping I’d realize my phone was missing," kuwento ni Epy.
Ayon kay Epy, halos tatlong oras ang lumipas bago niya napansing nawawala ang kaniyang cellphone.
Nang tumawag umano ang kaniyang anak na si Misha at ang kaniyang partner na si Mapet sa kaniyang numero, ang driver na si Jhun ang sumagot dahil hawak nito ang kaniyang cellphone.
Makalipas lamang ang ilang minuto, dumating si Jhun at ibinalik ang cellphone ni Epy.
"What I’ll remember most wasn’t just that he gave my phone back—it was the smile on his face. There was no annoyance, no irritation about the inconvenience. Just genuine happiness that he could help," sabi ni Epy.
Nagpasalamat si Epy kay Jhun at sinabi niyang ang ganitong uri ng katapatan ay nararapat kilalanin at ipagdiwang.
"Thank you, Mr. Jhun Diaz, for your kindness, integrity, and compassion," ani Epy. "People like you restore our faith in humanity."
— FRJ GMA News
