Inilagay na sa "green list" travel ng France ang Pilipinas, ayon French Embassy nitong Biyernes.

Ibig sabihin nito, maaari na umanong bumiyahe sa France ang mga Pinoy na fully vaccinated at wala nang COVID-19 restriction.

Ang mga hindi naman bakunado, kailangang magdala ng kanilang patunay ng negative result ng COVID-19 test bago sila bumiyahe.

Sa pahayag ng embahada ng France, sinabing epektibo ang pagkakalagay ng Pilipinas sa green list noong Marso 3.

Sa mga hindi bakunadong bibiyahe, kailangan nilang ipakita sa transport operator at border control authorities ang mga sumusunod:

  • Negative PCR test from less than 72 hours before departure or an antigen (lateral flow) test from less than 48 hours before departure (departure of first flight when there is a layover);
  • or a recovery certificate (positive PCR or antigen (lateral flow) test dated more than 11 days and less than six months prior to departure)

Ang mga bata na edad 12 pababa ay exempted umano sa naturang mga rekisito, ayon sa embahada.

Inihayag din ng France na hindi rin kailangan ang travel requirements sa mga sumusunod:

  • trips by residents of cross-border areas (border within a 30 km radius of your residence, and for a duration of less than 24 hours);
  • work-related trips, the urgent or frequent nature of which makes them incompatible with these tests;
  • trips by hauliers carrying out their work.

Patuloy ang pagbaba ng COVID-19 cases, at maging ang mga active cases sa Pilipinas. Sa nakalipas na dalawang araw, hindi na umabot sa 1,000 ang mga bagong kaso.

Nitong Huwebes, 989 ang naitalanga mga bagong kaso at 50,458 ang aktibong mga kaso ng COVID-19 sa Pilipinas.

—FRJ, GMA News