Isang motorista ang nahaharap sa reklamo matapos daw niyang murahin at sikuhin ang isang traffic enforcer sa Biñan, Laguna.
Ayon sa ulat sa QRT, sinigawan at minura ng motoristang si Kevin Beato ang traffic enforcer na si Herman Salvo.
Ayon kay Salvo, sinita niya si Beato dahil sa open muffler ng kanyang motorsiklo na ipinagbabawal dahil sa sobrang ingay.
Pero binastos daw siya ng lasing umanong motorista.
Siniko pa at minura raw ni Beato ang traffic enforcer.
Kalaunan, nagpunta sa opisina ng Biñan Traffic Management Unit si Beato at humingi ng tawad.
Pero sasampahan pa rin siya ng kaukulang reklamo. —NB, GMA News
