Sinunspindi na ni Baguio Mayor Benjamin Magalong ang Panagbenga Grand Opening Day Parade sa Sabado matapos makumpirma nitong Huwebes ang unang kaso ng novel coronavirus sa Pilipinas.
"After due deliberation, I would like to make an announcement that I am cancelling the Panagbenga street parade tomorrow," pahayag ni Magalong sa pulong balitaan nitong Biyernes.
"We're doing this because we just would like to be pro-active about it. We're very much concerned about the health of our residents and visitors in the city. And we're just making sure that we're doing everything pre-emptive," dagdag ng alkalde.
Sabi pa ni Magalong, na kakanselahin o ipagpapaliban din ang iba pang malalaking pagtitipon na dinadaluhan ng marami tao sa susunod na tatlong linggo.
Gayunman, wala pang pasya si Magalong kung kasamang sususpindihin ang Panagbenga Grand Street Dance na nakatakda sa Pebrero 29, at ang Grand Float Parade sa Marso 1.
"There's still no definitive decision with regards to the February 29 and March 1 events, Panagbenga events [...] It depends on the latest development coming from the Department of Health (DOH)," anang alkalde.
Pero kanselado na rin ang pedestrianization and art activities sa Session Road at Cordillera Athletic Meet sa Linggo.
Nitong Huwebes, inanunsyo ni Health Secretary Francisco Duque III, na isang 38-anyos na babae mula sa Wuhan City sa China ang nagpositibo sa nCoV.
Kasalukuyang naka-quarantine ang dayuhan sa San Lazaro Hospital sa Maynila.
Nitong Biyernes, sinabi ni DOH spokesperson Eric Domingo na nasa 31 katao na ang minomonitor o persons under investigation kaugnay sa posibilidad na baka nCoV infected sila.--FRJ, GMA News
