Namaalam na si Shuvee Etrata bilang si "Tonet" na kaniyang karakter sa GMA Prime Series na "The Master Cutter."
Sa Instagram, ibinahagi ng Sparkle star ang isang emosyonal na mensahe ng pagpapaalam dahil sa pagtatapos ng kaniyang karakter sa series.
"Thank you so much to everyone who followed and loved Tonet's journey. This project means so much to me. It was here that I learned, grew, and got to know myself better as an actress," sabi ni Shuvee.
Pinasalamatan din ni Shuvee ang lead star sa series na si Dingdong Dantes, sa binuo nitong magandang samahan ng mga artista sa loob at labas ng camera.
“Thank you for being our Master Cutter! You didn't just stitch us together on the show, but off-camera too. You really sewed us together,” sabi niya.
Pinasalamatan din niya si Ketchup Eusebio, at sinabing mapalad siyang nakatrabaho ito, pati na rin ang kaniyang kapwa cast members, production team, GMA Creatives, Sparkle, at direktor na si Dominic Zapata para sa kanilang tiwala, pasensya, gabay, at mga alaalang ibinahagi nila sa buong palabas.
"Thank you to everyone who watched! You always made us no. 1. Especially to my fellow Bisaya, thank you so much. And thank you, Netflix Philippines, for the love and support!"
Bago tapusin ang kaniyang mensahe, hinikayat ni Shuvee ang fans na patuloy na suportahan ang serye kahit wala na si Tonet.
“Tonet became such a big part of me, and I’ll always be grateful that I got to tell her story,” sabi niya.
Sa naturang serye, dumanas si Tonet ng isang malagim na kamatayan dahil kay Martina (Max Eigenmann) para panatilihin ang lihim ng pamilya kina Atoy (Dingdong) at Audrey (Max Collins).
Pinuri naman ni Dingdong si Shuvee para sa pagganap nito bilang si Tonet, at nag-dedicate ng post para sa kaniya.
“Seeing what she did with Tonette just proves she’s got so much more to offer as an actress,” caption ni Dingdong.—Jamil Santos/FRJ GMA News
