Kaniya-kaniya na ng plano ang mga Kapuso stars sa nalalapit na Undas, mapa-Halloween party man o pagbisita sa mga mahal na yumao, lalo't isa rin itong panahon na magsama-samang muli ang pamilya at mag-reunion.
Sa ulat ng GMA News "Unang Balita" nitong Martes, inihayag ni 'My Special Tatay' star Jestoni Alarcon na bibisita ang kaniyang pamilya sa sementertyo lalo't nakaugalian na nila ito.
"Kung hindi man November 2, November 3 to visit 'yung lolo at lola ko tsaka 'yung father in law ko. Minsan, nagkikita-kita kaming mga relatives doon," sabi ni Jestoni.
Sina Arra San Agustin at Rita Daniela naman, iniisip na ang kanilang susuotin sa kanilang Halloween party.
"Well, yung iniisip ko, military eh. Ang hirap mag-isip ng costume kapag last minute, eh," para kay Arra.
"I think, I can be Aubrey," natatawang sabi ni Rita tungkol sa karakter niya sa seryeng "My Special Tatay."
Komento ni Arra, "Wow puwede naman, puwede naman."
Pero inisip din ni Rita na, "Or ano, Pocahontas!"
Sabi naman ng Kapuso actor na si Gabby Eigenmann, "'Yung dad ko, ano kasi, hindi naman siya nakalibing e, urn kasi siya e so that's one. Pero yeah, staycation. Just probably be in a hotel pero dito lang, Metro Manila lang."
Si Kyline Alcantara, trabaho pa rin ang aatupagin dahil may bago na siyang pagbibidahang serye.
"Workshops. Work pa din para po for this (Inagaw Na Bituin) kasi sobrang pinagkatiwalaan po ako ng network for this series so, kailangan ko pong hindi biguin sila," sabi ni Kyline.-- Jamil Santos/FRJ, GMA News
