Hindi matutuloy ang inaabangang rematch nina Manny Pacquiao at Floyd Mayweather Jr. na nakatakdang gawin sana sa darating na Setyembre. Ayon sa kampo ng Pinoy boxing legend, target na ngayon nilang idaos ang laban sa unang bahagi ng 2027.
Ayon sa kampo ni Pacquiao, kabilang sa mga dahilan ng pagpapaliban ng laban ang, "volatile mix of federal lawsuits, scheduling overbooks, and financial gridlock completely surrounding the Mayweather camp.”
Iginiit din muli ni Pacquiao na dapat maging isang opisyal na laban ang rematch at hindi isang exhibition match.
Noong Marso, sinabi naman ni Mayweather na ang laban ay magiging exhibition lamang.
"The contract that we signed is a real fight. I wouldn't fight [in] an exhibition," ani Pacquiao. "That's the contract that he signed. He has to remember that. I want Floyd to live with the one loss on his professional record and always remember who gave it to him."
Samantala, iniulat din na hindi na matutuloy ang nakatakdang laban ni Mayweather kay Mike Zambidis.
May nakatakda rin umano siyang exhibition bout laban kay Mike Tyson.—Justin Kenneth Carandang/FRJ GMA News
