Nagpahiwatig sina Julie Anne San Jose at Rayver Cruz na posibleng ikasal sila sa 2027.
Sa nakaraan nilang guesting sa “Fast Talk with Boy Abunda” nitong Huwebes, sumalang sina Julie at Rayver sa “Agree o Disagree” segment, kung saan tinanong sila ni Tito Boy, “Magpapakasal na kami in 2027?”
Sina Rayver at Julie, parehong itinaas ang “Agree” sign.
“Kaya ako nag-agree Tito Boy kasi hindi ko alam ‘yung timeline pero alam ko naman na si Julie na ‘yung mapapangasawa ko,” paliwanag ni Rayver, na ikinakilig ng studio.
Samantala, tutol sina Julie at Rayver tungkol sa live-in bago ang kasal.
“Very old-fashioned kasi Tito Boy ‘yung family ko, and ganu’n din naman kay Julie. Iba-iba naman po ang pananaw and opinion. Pero for me, si mama kasi tsaka si papa, noong lumaki ako, ‘yun ‘yung gusto nila, kasala muna,” sagot ni Rayver.
“I guess, katulad nga rin ng sinabi ni Rayver, iba-iba kasi po talaga tayo. And parehas kasi kami ni Ray na very old fashioned ‘yung families namin. Ano muna, kasal,” ani Julie.
Mapanonood ang “JulieVer” bilang Clashmasters sa tagisan ng boses ng mga kabataan sa “The Clash,” 7:15 p.m. sa GMA.-- Jamil Santos/FRJ GMA News
